EDITORIAL

 

“വിജയമെന്നത് യാദർശ്ചികമല്ല, അത് കഠിനാധ്വാനവും, നിരന്തരപ്രയത്നവും, അറിവും, ത്യാഗവും അതിലെല്ലാമുപരി ചെയ്യുന്ന പ്രവർത്തിയോടുള്ള സ്നേഹവുമാണ്.” പെലെയുടെതാണ് ഊർജ്ജമേകുന്ന  ഈ വാക്കുകൾ. നൂതന ജീവിതശൈലിക്കനുസൃതമായി റെസിഡൻഷ്യൽ, കൊമേഴ്സ്യൽ  ഇന്റീരിയർ ഡിസൈനിംഗിൽ പുതിയ രീതികൾ അവതരിപ്പിച്ച് ഉപഭോക്താക്കളുടെ വിശ്വസ്തബ്രാൻഡ് ആയി മാറിയ കോൺകോർഡ് ഡിസൈൻ സ്റ്റുഡിയോയുടെ മാനേജിങ് പാർട്ട്ണർ ശ്രീ. പ്രേം കിഷന്റെ വിശേഷങ്ങളാണ് ഇത്തവണത്തെ കവർസ്റ്റോറിയിൽ. മണപ്പുറം ഫിനാൻസിന്റെ ചെയർമാനും മാനേജിംഗ് ഡയറക്ടറുമായ വി.പി. നന്ദകുമാർ തന്റെ സ്ഥിരം പംക്തിയിൽ “ആർബിഐയുടെ റെഗുലേഷൻസ് റിവ്യൂ അതോറിറ്റിക്കായുള്ള ഒരു നിർദ്ദേശം” എന്ന വിഷയത്തെ  വിശകലനം ചെയ്യുന്നു .

വാഹന പ്രേമികൾക്കായി,  എസ്യുവി ഹ്യുണ്ടായ് അൽകാസറിന്റെ   വിശേഷങ്ങളും, മുടിപൊട്ടുന്നത് തടയാനുള്ള ചില പൊടിക്കൈകളുമായി  ബ്യൂട്ടിയും  നിങ്ങൾ കാണുന്നതെന്താണോ അതാണ് വിശ്വാസം, സമീപകാലത്തെ നേരിട്ടുള്ള ചില നേരിട്ടുള്ള നികുതി ഭേദഗതികൾ  അവിശ്വസിക്കേണ്ടവയാണോ ?  എന്നീ ലേഖനങ്ങളും, ” ഓർമ്മ ” രൂപീകരണത്തിന്റെ ഘട്ടങ്ങൾ എന്ന ആരോഗ്യപംക്തിയും,  സ്വാദിഷ്ട വിഭവങ്ങളുടെ  പാചകക്കുറിപ്പുകളുമായി പാചകവും ഒരുക്കിയിട്ടുണ്ട്.  കൂടാതെ യൂണിക് ഡയറി, ബാങ്കിംഗ്,  മൂവിറിവ്യു, ബുക്ക് റിവ്യു തുടങ്ങിയ പതിവ് ലേഖനങ്ങളും മറ്റ് വിഭവങ്ങളുമായാണ്  ഇത്തവണത്തെ മാഗസിൻ വായനക്കാരുടെ കൈകളിലെത്തുന്നത്.

 

എല്ലാവായനക്കാർക്കും സന്തോഷകരമായ വായനാനുഭവം ആശംസിക്കുന്നു!

 

 

 

Thank You,

Jebitha Ajit

 

 

 

 

Google+ Linkedin