EDITORIAL

 

‘കാണം വിറ്റും ഓണമുണ്ണണം’ എന്ന ചൊല്ല് അര്‍ഥവത്തായ ഒരു സമയമാണിത്. ദുരന്തങ്ങളുടെയും ദുരിതത്തിൻ്റെയും വറുതിയുടെയും കാലത്തിലൂടെയാണ് നാമിപ്പോള്‍ കടന്നുപോയിക്കൊണ്ടിരിക്കുന്നത്. നന്മയുടെ സന്തോഷത്തിൻ്റെ പൂവിളിയുമായി പൊന്നോണം വരവായി. ഈ ഓണക്കാലം എല്ലാവിധ ഐശ്വര്യങ്ങളും സന്തോഷങ്ങളുമുണ്ടാകുമാറാകട്ടെ. സമരമുഖങ്ങളില്‍ തീപ്പൊരിയായി മുന്നില്‍ നിന്ന് അണികള്‍ക്ക് ആവേശം പകരുന്ന ജനകീയനായ ഡിവൈഎഫ്ഐയുടെ യുവനേതാവ് ശ്രീ. മുഹമ്മദ് റിയാസുമായുള്ള അഭിമുഖമാണ് ഇത്തവണത്തെ കവര്‍ സ്റ്റോറിയില്‍. മണപ്പുറം ഫിനാന്‍സിൻ്റെ ചെയര്‍മാനും മാനേജിംഗ് ഡയറക്ടറുമായ വി.പി. നന്ദകുമാര്‍ തൻ്റെ സ്ഥിരം പംക്തിയില്‍ സമ്പദ്‌വ്യവസ്ഥയെ പോസ്റ്റ്-പാന്‍ഡെമിക്, രൂപത്തിലേക്ക് തിരികെ കൊണ്ടുവരേണ്ടതിൻ്റെ ആവശ്യകത’ എന്ന വിഷയത്തെ വിശകലനം ചെയ്യുന്നു.

വാഹന പ്രേമികൾക്കായി ഫോക്‌സ്‌വാഗൺ അവതരിപ്പിക്കുന്ന വിഡബ്ല്യു ടി-റോക്കിൻ്റെ വിശേഷങ്ങളും, ലിച്ചിന്‍സണ്‍ എന്ന രാജ്യത്തെ മനോഹരകാഴ്ചകളുമായി യാത്രയും, ബിപിആര്‍ – വെല്ലുവിളി നിറഞ്ഞ സമയങ്ങളിലെ നിലനില്‍പ്പിനും വളര്‍ച്ചയ്ക്കുമുള്ള ഒരു ബിസിനസ് ഉപകരണത്തെക്കുറിച്ചുള്ള ലേഖനവും മോട്ടിവേഷന്‍ ആര്‍ട്ടിക്കിളുകള്‍, വൈവിധ്യങ്ങളായ വിഭവങ്ങളുടെ പാചകവിധികളുമായി പാചകവും കൂടാതെ ബാങ്കിംഗ്, സക്‌സസ്, മൂവിറിവ്യു, ബുക്ക് റിവ്യു തുടങ്ങിയ പതിവ് ലേഖനങ്ങളും വിഭവങ്ങളുമായാണ് ഇത്തവണത്തെ മാഗസിന്‍ വായനക്കാരുടെ കൈകളിലെത്തുന്നത്.

 

എല്ലാ വായനക്കാക്കും ആഹ്ളാദകരമായ ഓണാശംസകള്‍ !

 

 

 

Thank You,

Jebitha Ajit

 

 

 

 

Google+ Linkedin