ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലേ​ക്കു​ള്ള തെ​ര​ഞ്ഞെ​ടു​പ്പ് ഡി​സം​ബ​ര്‍ ആദ്യവാരം

ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലേ​ക്കു​ള്ള തെ​ര​ഞ്ഞെ​ടു​പ്പ് ഡി​സം​ബ​ര്‍ ആദ്യവാരം ന​ട​ത്തും. ര​ണ്ടു ഘ​ട്ട​മാ​യാണ് തെ​ര​ഞ്ഞെ​ടു​പ്പ് ന​ടത്തുന്നത്. ഏ​ഴു ജി​ല്ല​ക​ളി​ല്‍ ആ​ദ്യ​ഘ​ട്ട​ത്തി​ലും ശേ​ഷി​ക്കു​ന്ന ഏ​ഴു ജി​ല്ല​ക​ള്‍ ര​ണ്ടാം​ഘ​ട്ട​ത്തി​ലും എ​ന്ന വി​ധ​ത്തി​ലായിരിക്കും വോ​ട്ടെ​ടു​പ്പ്. നിലവിലെ ഭരണസമിതിയുടെ കാലാവധി നവംബര്‍ 11 നാണ് അവസാനിക്കുന്നത്. കോവിഡിന്‍റെ പശ്ചാത്തലത്തിലാണ് തെരഞ്ഞെടുപ്പ് നീട്ടിവെച്ചത്.

ത​ദ്ദേ​ശ തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട പ്ര​ക്രി​യ​ക​ള്‍ സം​സ്ഥാ​ന​ത്ത് പു​രോ​ഗ​മി​ക്കു​ക​യാ​ണ്. സം​വ​ര​ണ വാ​ര്‍​ഡു​ക​ളു​ടെ ന​റു​ക്കെ​ടു​പ്പ് പൂ​ര്‍​ത്തി​യാ​യി. പ്ര​സി​ഡ​ന്‍റ് സ്ഥാ​ന​ത്തേ​ക്കു​ള്ള സം​വ​ര​ണം സീറ്റുകള്‍ നിശ്ചയിക്കുന്നത് അ​ട​ക്ക​മു​ള്ള​വ അ​ന്തി​മ​ഘ​ട്ട​ത്തി​ലാ​ണ്. കോ​വി​ഡ് പ്രോ​ട്ടോ​ക്കോ​ള്‍ പാ​ലി​ച്ചാ​യി​രി​ക്കും തെ​ര​ഞ്ഞെ​ടു​പ്പ് നടക്കുക. ഡി​സം​ബ​ര്‍ മധ്യത്തോടെ പു​തി​യ ഭ​ര​ണ​സ​മി​തി നി​ല​വി​ല്‍ വ​രു​ന്ന രീ​തി​യി​ല്‍ തെ​ര​ഞ്ഞെ​ടു​പ്പ് ന​ട​ത്ത​ണ​മെ​ന്ന ത​ര​ത്തി​ലാ​ണ് സം​സ്ഥാ​ന തെ​ര​ഞ്ഞെ​ടു​പ്പ് ക​മ്മീ​ഷ​ന്‍ ആ​ലോ​ചി​ക്കു​ന്ന​ത്. തെ​ര​ഞ്ഞെ​ടു​പ്പ് ഒ​രു മാ​സം നീ​ട്ടി​വ​െക്കാന്‍ നേരത്തേ സ​ര്‍​വ​ക്ഷി​യോ​ഗം തീ​രു​മാ​നി​ച്ചി​രു​ന്നു.

1200 വോട്ടര്‍മാരില്‍ കൂടുതലുള്ള ബൂത്തുകള്‍ രണ്ടായി വിഭജിക്കും. തെരഞ്ഞെടുപ്പ് സമയത്ത് കോവിഡ് രോഗികളായവര്‍ക്ക് പോസ്റ്റല്‍ വോട്ട് നടപ്പാക്കാന്‍ നേരത്തെ തീരുമാനിച്ചിരുന്നു. തെരഞ്ഞെടുപ്പിന്‍റെ തലേ ദിവസങ്ങളില്‍ കോവിഡ് ബാധിക്കുന്നവര്‍ക്കും പോസ്റ്റല്‍ വോട്ട് തന്നെ നടപ്പാക്കാനാണ് ആലോചന.

 

 

 

 

Photo Courtesy : Google/ images are subject to copyright

Google+ Linkedin

Leave a Reply

Your email address will not be published. Required fields are marked *

*
*
*

This site uses Akismet to reduce spam. Learn how your comment data is processed.