കഞ്ചാവ്​ വില്‍പനക്കുള്ള മാധ്യമമായി ഇകോമേഴ്​സ്​ ഭീമന്‍മാരായ ആമസോണിനെ ഉപയോഗിക്കുന്നുവെന്ന് നാര്‍ക്കോട്ടിക്​ കണ്‍ട്രോള്‍ ബ്യൂറോയുടെ റിപ്പോർട്ടുകൾ. ഈ റിപ്പോര്‍ട്ടിൻറെ അടിസ്ഥാനത്തിൽ അന്വേഷണം വേണമെന്ന്​ ആവശ്യം ഉന്നയിച്ച്, സംഭവത്തില്‍ എന്‍.സി.ബി ഇടപെടണ​മെന്ന ആവശ്യവുമായി കോണ്‍ഫെഡറേഷന്‍ ഓഫ്​ ഓള്‍ ഇന്ത്യ ട്രേഡേര്‍സാണ്​ രംഗത്തെത്തിയത്​.

മധ്യപ്രദേശില്‍ കഞ്ചാവ്​ കച്ചവടത്തിനുള്ള മാധ്യമമായി ആമസോണിനെ ഉപയോഗിക്കുന്നുവെന്നാണ്​ ആരോപണം. ഇത്തരം വില്‍പ്പനക്കെതിരെ അന്വേഷണം വേണം – വ്യാപാരി യൂണിയന്‍ ​സെക്രട്ടറി ജനറല്‍ പ്രവീൺ ഖണ്ഡേല്‍വാള്‍ ആവശ്യപ്പെട്ടു. ഭിന്ദ്​ ജില്ലയിലെ വഴിയോര ഭക്ഷണശാലയില്‍നിന്ന്​ മധ്യപ്രദേശ്​ പൊലീസ്​ 20 കിലോ കഞ്ചാവുമായി രണ്ടു യുവാക്കളെ പിടികൂടിയിരുന്നു. അന്വേഷണത്തില്‍ ആന്ധ്രപ്രദേശിലെ വിശാഖപട്ടണത്തുനിന്ന്​ കഞ്ചാവ്​ എത്തിക്കാന്‍ ആമസോണിനെ ഉപയോഗിച്ചുവെന്നും കറിവേപ്പില എന്ന പേരിലാണ്​ ഇവര്‍ ആമസോണിലൂടെ കഞ്ചാവ്​ കടത്തിയത്​. ഭിന്ദ്​, ആഗ്ര, ഡല്‍ഹി, ഗ്വാളിയാര്‍, കോട്ട എന്നിവിടങ്ങളിലെ ഏജന്‍റുമാര്‍ക്ക്​ ഇവ എത്തിക്കുമെന്നും അവര്‍ വെളിപ്പെടുത്തി. ‘ആമസോണിലൂടെ നാലുമാസത്തോളം അവര്‍ 1000 കിലോ കഞ്ചാവ്​ ഇത്തരത്തില്‍ കടത്തി. 1.10 കോടി രൂപ വരും ഇതിന്‍റെ വിപണിമൂല്യം’ -ഭിന്ദ്​ ഡി.എസ്​.പി മനോജ്​ കുമാര്‍ സിങ്​ പറഞ്ഞു. പിടിയിലായ രണ്ടുപേരും കഞ്ചാവ്​ മാഫിയയുടെ ഭാഗ​മാണെന്നും നാലു​പ്രതികളെ കൂടി തിരിച്ചറിഞ്ഞതായും ആറുപേരെ തിരിച്ചറിയാനുണ്ടെന്നും അദ്ദേഹം പറഞ്ഞു. വില്‍പ്പനക്കാരന്‍റെ ഭാഗത്ത്​ എന്തെങ്കിലും വീഴ്ചയു​ണ്ടായോയെന്ന്​ കമ്പനി പരിശോധിക്കുമെന്ന്​ ആമസോണ്‍ വക്താവ്​ അറിയിച്ചു.

.

Photo Courtesy : Google/ images are subject to copyright 

കോവിഡ് മഹാമാരിയുടെ രണ്ടാംവരവിൻറെ ഈ കാലത്ത്  എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും  വാക്‌സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്‌ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.

# Break the chain #Indian Fighters Corona