Editorial

Posted By Unique On Friday, April 20th, 2018 With 0 Comments

 

 

ajit sir

 

 

കഠിന പരിശ്രമവും ,സ്ഥിരോത്സാഹവും , ലക്ഷ്യബോധവുമുണ്ടെങ്കിൽ ഏതൊരു കാര്യവും കൈപിടിയിലൊതുങ്ങും എന്നുള്ളത് അഖണ്ഡ നിയമമാണ് .ഇക്കുറി കവർസ്റ്റോറി തുറന്നുകാട്ടുന്നതും അത്തരമൊരു വിജയഗാഥയാണ് . കുറച്ച് മാസങ്ങൾക്ക് മുൻപ് കേരള ജനതയെ  ഒന്നാകെ ദുരിതത്തിലാഴ്ത്തിയ മഹാപ്രളയത്തിന് ശേഷം ആർജ്ജവമുള്ള ഒരു ജനതയുടെ ഉയർത്തെഴുന്നേൽപ്പിന്റെ  നേർചിത്രമാണ് നമ്മൾ കേരളത്തിൽ  കാണുന്നത് , . പ്രളയത്തെതുടർന്ന് തകർന്നടിഞ്ഞ ടൂറിസം മേഖലയെ പുനരുജ്ജീവിപ്പിക്കുക എന്നുള്ള ഉദ്ദേശത്തോട് കൂടി ഇക്കുറി  മുപ്പതോളം ഏഷ്യൻ ,യൂറേഷ്യൻ രാജ്യങ്ങളിൽ നിന്നുമുള്ള മത്സരാർഥികളുമായാണ് അന്താരാഷ്ട്ര സൗന്ദര്യ മത്സരമായ മിസ് ഏഷ്യ നാലാമത് എഡിഷൻ നവംബർ 10 – ന്  കൊച്ചിയിൽ നടത്തുന്നത്

മണപ്പുറം ഗ്രൂപ്പിൻറെ ചെയർമാനും മാനേജിംഗ്ഡയറക്ടറുമായ വി.പി. നന്ദകുമാർ തൻറെ സ്ഥിരം കോളത്തിൽ ഇക്കുറി എങ്ങിനെയാണ്   ആധുനീക ടെക്നോളജിയിലൂടെ ഗോൾഡ് ലോൺ എന്ന പഴയ ഒരു പ്രക്രിയയെ മണപ്പുറം മാറ്റിമറിച്ചതെന്ന് വിശദമാക്കുന്നു .  . ഇന്ത്യയുടെ ധനകാര്യസ്ഥാപനങ്ങൾ കൂടിയായ ബാങ്കിങ് ഇതര ഇടപാട്  സ്ഥാപനങ്ങൾ (എൻബിഎഫ്സി) മറ്റൊരു കുതിച്ചു ചാട്ടത്തിന്റെ വക്കിലാണെന്നും ഇദ്ദേഹം പറയുന്നു . ഇക്കൂട്ടത്തിൽ ഗോൾഡ് ലോൺ  എൻബിഎഫ്സികളായിരിക്കും മുൻനിരയിലെന്നും അദ്ദേഹം പ്രവചിക്കുന്നു .

ഞങ്ങളുടെ ഓട്ടോമോട്ടീവ് വിദഗ്ധൻ പുതുതായി വിപണിയിൽ എത്തുന്ന ഹോണ്ട സിആർവിയുടെ വിശേഷങ്ങളാണ് ഇക്കുറി  പങ്കുവെക്കുന്നത്. യാത്രയിൽ ആഫ്രിക്കയിലെ ഇരുണ്ട ഭൂഖണ്ഡത്തിലെ വെളുത്തദ്വീപായി അറിയപ്പെടുന്ന  ഫ്രഞ്ചുകാർ ഭരിക്കുന്ന മെയോട്ടെ എന്ന ദ്വീപിനെകുറിച്ചാണ് വിവരിച്ചിരിക്കുന്നത് .

പാചകം ,ബ്യൂട്ടി ,ആധാർ, ബാങ്കിംഗ്, സിനിമാറിവ്യൂ, പുസ്തക നിരൂപണം തുടങ്ങി പതിവുള്ള ഒട്ടേറെ വിഭവങ്ങളുമുണ്ട്. എല്ലാ വായനക്കാർക്കും നല്ലൊരു വായനാനുഭവം ആശംസിക്കുന്നു.

എഡിറ്റര്‍

നന്ദി
അജിത് രവി

Pegasus