Editorial

Posted By Unique On Friday, April 20th, 2018 With 0 Comments

 

 

ajit sir

 

 

 

ഒരാളെയും മറ്റുള്ളവരുടെ മുന്നില്‍ വച്ച് തരംതാഴ്ത്തി സംസാരിക്കരുത്. ചിലപ്പോള്‍ ആ മുറിവ് ഉണക്കാനോ, ഒരു ക്ഷമ പറയാനോ പോലും ജീവിതത്തില്‍ പിന്നീട് അവസരം ലഭിച്ചില്ല എന്ന് വരാം – മുന്‍ രാഷ്ട്രപതി ഡോ. എ.പി.ജെ അബ്ദുള്‍ കലാമിന്റെ ഈ വചനങ്ങള്‍ ഏവരും ജീവിതത്തില്‍ പ്രാവര്‍ത്തികമാക്കേണ്ടതാണ്.
പ്രതിപക്ഷ ഉപനേതാവ്, മുസ്ലീം ലീഗ് നേതാവ് എന്നീ ചുമതലകള്‍ വഹിക്കുന്ന ഡോ.എം.കെ മുനീറിന്റെ അഭിമുഖമാണ് ഇത്തവണ യുണീക് ടൈംസ് വായനക്കാര്‍ക്കായി പങ്കുവെയ്ക്കുന്നത്. ആതുരസേവനരംഗത്ത് പ്രവര്‍ത്തിക്കാന്‍ ആഗ്രഹിച്ച അദ്ദേഹം തികച്ചും യാദൃശ്ചികമായാണ് രാഷ്ട്രീയത്തിലേക്കെത്തുന്നത്. രാഷ്ട്രീയ പ്രവര്‍ത്തകന്‍, ഡോക്ടര്‍, ഗായകന്‍, ചിത്രകാരന്‍, വ്യവസായസംരംഭകന്‍ എന്നിങ്ങനെ വിവിധ മേഖലകളില്‍ വിജയകരമായി മുന്നേറുന്ന അദ്ദേഹത്തിന്റെ വാക്കുകള്‍ വായനക്കാര്‍ക്ക് പ്രചോദനമേകും.
തന്റെ പതിവുകോളത്തില്‍ മണപ്പുറം എംഡിയും സി.ഇ.ഒയുമായ വി.പി. നന്ദകുമാര്‍ ഇന്ത്യയുടെ പാര്‍പ്പിടപ്രശ്‌നമാണ് വിശദീകരിക്കുന്നത്. യാത്രയില്‍ മനംമയക്കുന്ന 115 ദ്വീപുകളുടെ രാജ്യമായ സീഷെല്‍സിന്റൈ വിശേഷങ്ങള്‍ പങ്കുവെയ്ക്കുന്നു. ഇപ്പോള്‍ ഇന്ത്യയില്‍ ഇറങ്ങിയ ടൊയോട്ട യാരിസിനെക്കുറിച്ചാണ് ഓട്ടോമൊബൈല്‍ കോളത്തില്‍ പറയുന്നത്.
ഗാഡ്‌ജെറ്റുകള്‍, ബാങ്കിംഗ്, സിനിമ റിവ്യൂ, പുസ്തക നിരൂപണം എന്നീ വിഭവങ്ങളും വായനക്കാരെ കാത്തിരിക്കുന്നു. അവിസ്മരണീയമായ ഒരു വായനയുടെ ലോകം ആശംസിക്കുന്നു.

എഡിറ്റര്‍

നന്ദി
അജിത് രവി

Pegasus